Оқыс оқиға Алмалы ауданында Шәріпов-Құрманғазы көшелерінің маңында орын алды. Бұл туралы әлеуметтік желі қолданушылары хабарлады.
Кейін қалалық ТЖД аталған жайтқа қатысты түсініктеме берді.
"24 тамызда сағат 13:05-те оқиға орнында болған адамдардан Алмалы ауданында Әди Шәріпов көшесінің бойында 120 үйдің жанында Kia Rio, Chevrolet Cobalt маркалы екі автокөлікке ағаш құлағаны туралы хабар келіп түсті. Оқиға орнына тазарту жұмыстарын жүргізу үшін Алматы қаласы әкімдігінің 109 құтқару қызметінің жұмысшылары жіберілді. Құрбандар мен зардап шеккендер жоқ", - деді төтеншеліктер.
Автокөлік иелеріне келтірілген залалды кім өтейтіндігі нақтыланбады.