ҚР Төтенше жағдайлар министрлігінің баспасөз қызметі 6 қазанда хабарлағандай, Шымкентте түнде екі көшенің қиылысында жолаушылар көлігі өртенді. Оқиға орнына төтенше жағдайлар департаментінің 12 қызметкері мен үш техника дереу жетті.
Қолда бар ақпаратқа сәйкес, өртке қысқа тұйықталу себеп болған. Қаза болғандар мен зардап шеккендер жоқ.
"Жыл басынан бері қалада 39 автокөлік өртенді. Оның басты себебі – қысқа тұйықталу және дұрыс қызмет көрсетпеу", – деп атап өтті қалалық төтенше жағдайлар департаменті.