Түркістан облысы полиция департаментінің 12 қазан күні хабарлауынша, Сайрам ауданының Ақсукент кентіндегі жеке клиникада пациенттердің бірі ультрадыбыстық кабинетте кезекте тұрғанда жанжал шығарып, рентгенолог-дәрігерге пышақ жарақатын салды.
"Жәбірленуші ауруханаға жатқызылды. Оқиға орнына жедел-тергеу тобы дереу шықты. ҚР ҚК 106-бабының 2-бөлігі "Денсаулыққа қасақана ауыр зиян келтіру" бойынша қылмыстық іс қозғалды", – делінген полиция департаменті таратқан хабарламада.
Полиция күдікті ретінде ауданның 27 жастағы тұрғынын ұстады. Қазіргі уақытта ол уақытша ұстау изоляторына қамалды.
Ведомство өкілдері болған жайттың мән-жайы анықталып жатқанын мәлімдеді.
2023 жылғы 10 қазанда туристік компания кеңсесінде жан түршігерлік оқиға болды. Виза ала алмаған клиент компания қызметкерінің басына қайшы тығып алды.
