Қостанай облысы төтенше жағдайлар департаменті баспасөз қызметінің хабарлауынша, бірінші қабаттағы музыка кабинетінде ағаш және қағаздан жасалған сахналық бұйымдар, терезенің ағаш жақтауы және кеңсе жабдықтары өртенген. Аспалы төбе де еріп кетті. Өрт 10 шаршы метр аумақты шарпыған.
Сурет: Қостанай облысы ТЖД
"121 бала мен 14 ересек адам эвакуацияланды. Құтқарушылар келгенге дейін 18 қызметкер мен 30 баладан өз бетімен сыртқа шыққан", – делінген хабарламада.
Сурет: Қостанай облысы ТЖД
Ведомствоның мәліметінше, өрт сөндірілді. Балалардың ешқайсысы зардап шеккен жоқ және медициналық көмекке мұқтаж емес.
Өртті сөндіруге 41 адам мен 8 техника жұмылдырылды.