Шымкент қаласының прокуратурасы көлік жүргізуге медицина жағынан қарсы көрсетілімі бар 1268 адамды анықтады. Олардың көбі психоактивті заттарды қолдану және жүйке жүйесі аурулары бойынша диспансерлік есепте тұрады.
2022-2023 жылдары олар 1300-ден астам жол қозғалысы ережесін бұзып, 28 жол-көлік оқиғасын жасаған. Көліктер зақымданып, салдарынан зардап шеккендерге материалдық шығын келтірген.
"Аталған тұлғалардың жүргізуші куәлігін иеленуі заң талаптарына қайшы келуіне байланысты, прокуратураның актісі бойынша сот шешімімен 37 тұлға көлік құралын басқару құқығынан айырылды. Қалған тұлғаларға қатысты тиісті шаралар қолданылып жатыр".Шымкент қаласының прокуратурасы
