"Қазақмыс" компаниясының мәліметінше, жазатайым оқиға 2023 жылдың 22 қарашасында №2 Жезқазған байыту фабрикасында болған.
"Конвейер механизміне қысылып қалу салдарынан 1980 жылғы конвейер машинисі өмірге сай келмейтін өте ауыр жарақат алды. Жедел жәрдем қызметкерлері жарақат алушының өлімін тіркеді", делінген хабарламада.
Арнайы комиссия жазатайым оқиғаның мән-жайы мен себептерін анықтауда.
"Қазақмыс" компаниясының басшылығы мен еңбек ұжымы марқұмның туыстары мен жақындарына қайғыра көңіл айтады.
