Қадағалаушы орган таратқан ақпаратқа сүйенсек, Кербұлақ ауданының ауылдық округтерінің 8 әкімі статистикалық есептерде жеке сектордағы шаруа қожалықтарының мал санын жасанды түрде арттырған. Салдарынан 75 мың гектарға жайылымдық жерлерге деген қажеттіліктің нақты көрінісі бұрмаланған.
"Әкімдер тіркеулер мен статистикалық деректерді бұрмалағаны ӘҚБтК 499-бабының 1-бөлігі (әкімшілік көздің мемлекеттік статистика саласындағы уәкілетті органға анық емес әкімшілік деректерді ұсынуы) бойынша әкімшілік жауапкершілікке тартылды", – делінген Жетісу облыстық прокуратурасының хабарламасында.
Ведомство прокурорлық қадағалау актісін қарау шегінде аудан әкімдігі жайылымдарды басқару жөніндегі бұрын бекітілген Жоспарды қайта қарау бойынша жұмысын бастағанын атап өтті.
