11 желтоқсан күні жоғалған қызға тиесілі заттар көл жағасынан табылды. Сол уақыттан бері іздестіру жұмыстары көл маңында жүргізілді. Сағат 13:36-да жағадан 40-50 м қашықтықта 2,5-3 м тереңдіктен қыз баланың денесі табылды.
"Алдын ала мәлімет бойынша, суицид жасалған. Оқиғаның мән-жайы анықталуда", – деп хабарлады полиция.
10 желтоқсан күні кешке қарай полицияға қыздың әкесі хабарласып, 15 жасар қызының жоғалып кеткенін мәлімдеген. Ер адам сағат 16:00 шамасында қыз биге баратынын ескертіп, үйден шығып кеткенін, бірақ кешке оралмағанын айтқан.
Қызды іздеуге полиция қызметкері мен еріктілер жұмылдырылды.