Біріккен Ұлттар Ұйымы Израиль армиясының соққысынан Буреджи, Нусейрат, Мағази лагерлерінде ондаған адамның қаза тапқанына өкініш білдірді. Соңғы тәуліктің өзінде бұл елдімекендерде 195 адам мерт болған.
Қазір Хан-Юнус лагерінде де қанды шайқас жалғасып жатыр.
Жалпы алғанда, Израильдің шабуылдарынан Газада 11 аптада 21 мыңнан астам палестиналық жан тәсілім еткен. Құрбандардың көбі - әйелдер мен балалар. Ал хамастықтар Израильдің оңтүстігіне қазанның 7-де басып кіріп, 1200 адамды өлтіріп, 240 тұрғынды кепілген алғаны белгілі.