Батыс Қазақстан облысы полиция басқармасының қызметкерлері тонаушыны кідіріссіз қолға түсірді.
"Бәрі бір түнде болды. Кешке қарай дүкенге бір жас жігіт кіріп тамақ сұрай бастады. Не керек екенін тізіп алып, пакет керек пе деп сұрадым. Пакет алуға еңкейгенімде арқамнан соғып кетті", - деп еске алды азық-түлік дүкенінің сатушысы.
Бейнебақылау камераларына жарақаттан әйелдің витринаға, содан кейін еденге құлағаны түсіп қалған. Шабуылшы сатушыны шашынан ұстап, ақша талап ете бастаған. Сосын 20 мың теңгені алып, із-түзсіз жоғалып кеткен.
Есін жиған әйел полицияға хабарласқан. Қарақшы Орал қаласының сотталған тұрғыны болып шықты. Ол полиция басқармасының уақытша ұстау изоляторына қамалды. ҚР Қылмыстық кодексiнің 191-бабы "Тонау" бойынша сотқа дейінгі тергеу басталды.