2 наурызда сағат 15:45-те Атырау облысында Каспий теңізінің жағалауында, Құрманғазы ауылынан 40 шақырымда Құрманғазы орманшылығының аумағында алдын ала болжам бойынша 100 гектар алаңда қамыс өсіндісі өртеніп жатыр. Елдімекендерге қауіп жоқ, деп хабарлайды ТЖМ.
Сағат 17:57-де Құрманғазы ауданының №7 өрт сөндіру бөлімінің, Орман шаруашылығының, ЖАО-ның 36 адамы, 5 мотопомпасы, 1 техникасы, 4 мотоқайығы тартылды.
Оқиға орнында ТЖД, орман шаруашылығының күштері мен құралдары жеке құрамнан 35 адам, мотоқайықтар, 6 мотопомпа және техника жұмылдырылды.
"Батпақты жер мен қамыстың тығыз қалың өсуі өртті сөндіруге қиындық туғызып, техниканың қозғалысына кедергі келтіруде", делінген ведомство хабарламасында.