Құзырлы ведомствоның хабарлауынша, алдымен Ақтөбе облысының Әйтеке би ауданында Щербаков бөгеті шлюзінің үстінде жарықтар пайда болған. ТЖД күшімен Талдысай ауылындағы және Жүргенов ауылындағы 45 жеке тұрғын үйден 149 адам алдын ала эвакуацияланды.
"29 наурызда сағат 21-40-та бөгет бұзылып, Жүргенев ауылының шетіндегі Ырғыз өзеніне су ағылды. ЖАО күшімен тұрғындарды осы ауылдардан эвакуациялау басталды. 380 адам эвакуацияланды, оның ішінде 160 бала және 320 ірі қара, 340 ұсақ мал, 606 құс. Азаматтарды Ойыл ауданының арнайы дайындалған эвакуациялық пунктіне жөнелту жоспарлануда". ҚР ТЖМ баспасөз қызметі
Сондай-ақ су тасқыны салдарын жою жөніндегі республикалық жедел штабы Ақтөбе облысы Берсиев ауылына гуманитарлық көмек жеткізу жөніндегі арнайы операцияны үйлестіруде. Азық-түлік, гигиеналық заттар, сондай-ақ қажетті киімдер мен көрпелер әуе жолдары арқылы жеткізіледі.