Журналистердің сұрақтарына жауап бере отырып, Қанат Шарлапаев утилсборды жою идеясын негізінен қайта сатып алушылар алға тартатынын айтты.
"Бұл мәселені бастайтын адамдар көбінесе қайта сатумен айналысады. Қарсылық білдірушілермен 17 мамырда кездестім. Үлкен жиналыс өтті, парламент депутаттары қатысты. Қарысылық білдіретін топ атынан 12 адам келді. Олармен тақырыпты егжей-тегжейлі отырып талқыладық. Жалпы, елімізде автомобиль, ауыл шаруашылығы техникасын шығаратын өнеркәсіпте де шамамен осынша адам жұмыс істеп жатқанын атап өткім келеді. Мәселені шешу үшін петицяға бүгінде 49200 адам қол қойған. Тиісті дауыс жиналғаннан кейін Үкімет мәселені өз қарамағына алады деп ойлаймын" - деді министр.
Сондай-ақ министр екі тараптың көзқарастары қарама-қайшы болса, мәселені шешу үшін заңнамалық тетіктер бар екендігін атап өтті. Алайда, қазіргі уақытта утильалымды қайта қарастыру жоспарда жоқтығын да баса айтты.