Қарағандыда әйел киімін киіп, балалармен танысқан стример қамалды
Фото: Zakon.kz
Қарағандыда 56 жастағы ер адам әйел киімін киіп видео түсіріп, TikTok желісінде кәмелетке толмағандармен танысқан. 2026 жылғы 21 тамызда полиция оған қатысты қандай шара қабылданғанын мәлімдеді, деп хабарлайды Zakon.kz.
Сөз Қарағандыда тұратын 56 жастағы стример туралы болып отыр.
"Мониторинг барысында Қарағанды полициясы әйел киімін киіп, кәмелетке толмағандарды контентіне тартқан 56 жастағы стример Еркен Жантықпаевтың TikTok желісіндегі заңға қайшы видеоларын анықтады. Сот құқық бұзушыны 10 тәулікке әкімшілік қамауға алып, оған ресми ескерту жасады", – деп хабарлады Қарағанды облысы полиция департаментінің баспасөз қызметі.
Ер адам әлеуметтік желілердегі аккаунттарын өшірген. Дегенмен ол полицияның қатаң бақылауында болады.
"Құқық бұзушылық қайталанған жағдайда қылмыстық жауапкершілікке дейінгі қатаң жаза қолданылуы мүмкін", – деп нақтылады полиция.
Құқық қорғау органдары әлеуметтік желілерде контент жариялау кезінде заң мен тәртіп талаптарын сақтау қажет екенін ескертті.
Бұған дейін тағы бір қазақстандықтың TikTok арқылы кәмелетке толмаған қыздан интимдік видеолар алып, оларды Telegram желісіндегі жабық арналарда сатқаны үшін ұсталғаны хабарланған еді.
Мақаламен бөлісу
Оқи отырыңыз
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
