Алматы облысы ПД баспасөз қызметінің хабарлауынша, 23 мамырда патрульдік полицейлер Қонаев қаласында орналасқан ойын-сауық мекемелерінің бірінде мас күйде жүрген ер адам туралы хабарлама бойынша оқиға орнына барған.
"Келген кезде, азамат айналасындағыларға агрессивті болып қана қоймай, полиция қызметкерлерін балағаттаған.Жағдайды бағалай отырып, полицейлер мас бұзақыны ұстады",- делінген ведомство хабарламасында.
Ер адам полиция қызметкерлерінің заңды талаптарына бағынбағаны және бұзақылық жасағаны үшін жауапқа тартылды. Сот шешімімен құқық бұзушы 7 тәулікке қамауға алынды.
Еске сала кетейік, 4 мамырда 21 жастағы жас жігіт Алматыда есірткіге мас күйде BMW автокөлігін ұрлап, Қонаевқа қашып кеткен.