Астана сотының мәліметінше, балық шаруашылығы комитетінің төрағасы мен балық ресурстары және балық шаруашылығын реттеу басқармасының басшысы пара алды деп айыпталды.
Сотталушыларға екі эпизод бойынша айып тағылды.
- Бірінші эпизод бойынша – 2021-2024ж. аралығында Комитет төрағасы өз қарамағындағы басқарма басшысымен алдын ала сөз байласу арқылы Комитетке бағынысты ұйымның бас директорынан жалпы қамқорлығы үшін банктік аударымдар арқылы 1,5 млн. теңге сомасында ақша түрінде пара алған.
- Екінші эпизод бойынша – "Н" ЖШС директорынан банктік аударым арқылы ұйым қызметінің қамқорлығы үшін 2 млн.теңге мөлшерінде пара алған.
Сот отырысы барысында сотталушылар кінәсін мойындап, жасаған істеріне өкініш білдірді.
Аталған баптың санкциясы мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, параның 60 еселенгеннен 70 еселенгенге дейінгі сомасы мөлшерінде айыппұл салу не 7 жылдан 12 жылға дейінгі мерзімге бас бостандығынан айыру түріндегі жазаны көздейді.
Шын жүректен өкіну, құқық бұзушылықты ашуға жәрдемдесуін және жас балаларының болуы сияқты қылмыстық жауапкершілік пен жазаны жеңілдететін мән-жайлардың болуына қарамастан, Комитет төрағасы мен басқарма басшысы мемлекеттік қызмет пен квазимемлекеттік секторда лауазымдарды атқару құқығынан өмір бойына айырыла отырып, 6 жылға сотталды.
Сондай-ақ, ҚР Президентіне Комитет төрағасын мемлекеттік наградадан айыру туралы ұсыныс енгізілді.
Үкім заңды күшіне енген жоқ.
