ҚР ТЖМ баспасөз қызметінің хабарлауынша, Абай облысының Өртке қарсы қызметіне "Семей орманы" МОТР РММ Жаңа Шүлбі филиалының Орталық орманшылығы аумағында орман жамылғысы аймағының жануы орын алғаны туралы хабарлама келіп түскен.
"Оқиға орнына өңірдегі ТЖД күштері мен құралдары және "Семей Орманы" МОТР қызметкерлері келгеннен кейін жалпы ауданы 0,03 гектар құрғақ шөптің өртенгені анықталды". ҚР ТЖМ баспасөз қызметі
Іздестіру іс-шаралары барысында кінәлі адам анықталды.
Трактор иесі Боровлянка ауылының тұрғыны ҚР ӘҚБтК 367-бабы 3-бөлігі бойынша 184 600 теңге сомасына айыппұл түрінде әкімшілік жауапкершілікке тартылды.