Instagram-да "4 Лапы" қорының еріктілері өрескел жағдай туралы жазды.
"Ақпарат дайректке келді, хаскидің мойны кесілген. Зоотакси шақырылып, итті клиникаға жеткіздік. Дәрігерлер оның өмірі үшін күресуде... клиникадағы ақпаратқа сүйенсек, итке оқ атылған".
Ит еріктілер оны алып кеткеннен кейін екі күннен сәл астам өмір сүрді. Олардың айтуынша, жараның сипаты жануардың жақын жерден атылғанын көрсетеді.
Семей қаласының полициясы бұл факт бойынша сотқа дейінгі тергеу дереу басталғанын айтты.
"Әлеуметтік желілерді бақылау барысында жануарға, атап айтқанда хаски тұқымының итіне қатыгездік көрсету фактісі анықталды. Полицейлер күдіктіні анықтау мақсатында жедел-іздестіру іс-шараларын жүргізуде".Семей қаласы ПБ Әуезов полиция бөлімінің бастығы полиция подполковнигі Әсет Асқаров
13 мамырда желіде Ақмола облысындағы мәслихаттардың бірінің депутаты әріптестерінің алдында итті басып кеткені туралы ақпарат пайда болды. Өңір ПД ер адамның жауапкершілікке тартылғанын айтты.
