ҚР ТЖМ баспасөз қызметінің нақтылауынша, ғимараттың сыртқы қаптамасы өртенген.
"ІІІ-ші дәрежедегі шақырту бойынша аттанған өрт сөндірушілер қазір оқиға орнында жұмыс істеп жатыр. Өртті сөндіруге 16 бірлік техника және 72 адам жұмылдырылған. Ғимарат ішінде пәтерлер ғана емес, сонымен қатар әкімшілік нысандар да орналасқан. Оқиға орнында штаб құрылды. Эвакуациялау шарасы жүргізіліп жатыр. ТЖМ құтқарушылары 8 адамды, оның ішінде бір баланы эвакуациялады". ҚР ТЖМ
Зардап шеккендер туралы құзырлы органдарға мәлімет түспеген.
Айта кетсек, бұған дейін төтеншеліктер елордадағы Rixos Khan Shatyr Residences элиталы көпқабатты тұрғын үйден шыққан өртті сөндіруге жұмылдырылғаны, ғимаратта қалып кеткен адамдардың бар-жоғын тексеріп жатқаны хабарланған.