Министрдің айтуынша, жолдардың кейбір ақылы учаскелерінде шлагбаумдар жұмыс істемейді.
"Ақылы жол учаскелерін пайдалана отырып, белгілі бір мерзімге төлемейтін кәсіпорындар, машиналар бар. Біз заңмен қарастырдық: екі апта уақыт береміз, сол аралықта төленбесе айыппұл салынады. Отандық және шетелдік автокөліктерге қатысты "Сергек" автоматтандырылған", – деді Қарабаев.
Оның айтуынша, шетелдік автокөліктерге қатысты қосымша екі норма қарастырылған.
"Бірінші норма - бұл машиналар көліктік бақылауда тоқтатылып, қамауға алынып, айыппұл тұрағына қойылуы мүмкін. Екінші норма-ақылы жолдарды пайдаланғаны үшін төлемеген шетелдік автокөліктерге елден шығу мүмкіндігі берілмейді. Айыппұл мөлшеріне келетін болсақ, олар ӘҚБтК-де қарастырылған", - деді ол.
Қарабаев БЖТ (әкімшілік құқық бұзушылықтардың бірыңғай тізілімі) жүйесімен автоматтандырылған интеграцияланатын камералар бар екенін мәлімдеді.
ҚР Көлік министрі Марат Қарабаев бұған дейін 2024 жылы қандай жолдар пайдалануға берілетіні туралы айтқан болатын.
