Қазіргі уақытта 18 адам емделуде, барлығы 29 адам ауруханаға көмекке жүгінген.
"Балқаш қаласының "Досжан" отбасылық пансионатының демалушылары арасында жіті ішек инфекциясын тіркелді. 16 тамызда жіті ішек инфекциясы бойынша күдікті 29 адам медициналық көмекке жүгінді, оның 18-і стационарлық жағдайда емделуге жіберілді", деп Ekaraganda.kz басылымы облыстық СЭБД жауабын келтіреді.
Мамандар эпидемияға қарсы іс-шараларды бастағанын, оқиға орнында зарарсыздандыру жұмыстарын жүргізу ұйымдастырылғанын, оның ішінде науқастар арасында сауалнама жүргізілгені де нақтыланады.
Қарағанды облысының санэпидбақылау департаменті қызметкерлерінің арасынан бригада құрылып, Балқашқа жолдау жүзеге асырылды. Зертханалық зерттеулер негізінде тергеу басталды. Іс жүргізу шешімін қабылдау үшін материалдар Балқаш полиция бөліміне берілді.
Қарағанды облысының полиция департаменті жаппай улану фактісі бойынша ҚР ҚК-нің 304-бабы, 1-бөлігі, "Абайсызда жаппай ауруға, инфекцияға, сәулеленуге немесе улануға әкеліп соққан санитарлық ережелерді немесе гигиеналық нормативтерді бұзу" бойынша сотқа дейінгі тергеу басталғанын хабарлады.