2024 жылғы 20 тамызда өңірдің ПД баспасөз қызметі хабарлағандай, әкімшілік полиция басқармасының жол және техникалық инспекциясы бөлімінің қызметкерлері облыстық маңызы бар Бекет Ата – 97 км, Кендірлі, Тасболат – 11 км, Қызылтай – Сайотес автожолдарындағы тексерулер шеңберінде бірқатар бұзушылықтарды анықтады.
"Осы жолдарғы жауапты мердігерге жазбаша нұсқамалар жіберілді. Алайда мекеме тарапынан жүргізілген жұмыстар бойынша кері байланыс болған жоқ. Тиісінше, құқық бұзушылыққа жол берген мердігерлік мекеме әкімшілік жауапкершілікке тартылып, сот қаулысымен 738 400 теңге айыппұл салынды", – деді полиция.
Осы уақытқа дейін жолдарда шұңқырлар жойылып, 34 жол белгісі ауыстырылды.
"Сонымен қатар, 44 жаңа жол белгілері, үш строб және 24 катафота орнатылды. Сондай — ақ 335 шақырымның жол белгілері жаңартылды", - деп хабарлады Маңғыстау облысы ПД.
19 тамызда "ҚазАвтоЖол" ауа райының күрт бұзылуына байланысты мәлімдеме жасады.