Соттың ақпаратынша, Қызылорда қаласының тұрғыны баласының тісі ауруына байланысты орталық қалалық емхананың балалар стоматологиясына барып, тіс дәрігері баланы емдеп, тісін жұлып тастаған. Емдеуден кейінгі келесі күні баланың жақ сүйегі ісініп, жалпы денсаулығы нашарлаған.
"Кейін балаға облыстық көпсалалы аурухананың жақ-бет бөлімшесінде "Сол жақ төменгі жақтың жедел іріңді одонтогенді флегмонасы, 7,5 тісін жұлғандағы жағдайы" диагнозымен екі рет ота жасалған. Арада алты ай өткенде баланың жақ сүйегі қайта ісіп, іріңді жарасы жазылмағандықтан, олар Алматы қаласында ақылы негізде хирургиялық араласу арқылы ауруханада емделуге мәжбүр болған.ҚР Жоғарғы соты баспасөз қызметі
Медициналық және фармацевтикалық бақылау департаменті ананың шағымы бойынша жүргізілген емхананы тексеру қорытындысына сәйкес, емхана тіс дәрігері кәмелетке толмаған балаға медициналық көмек көрсету кезінде клиникалық диагностика және емдеу хаттамаларын сақтамаған.4
"Оның тісін орта медициналық білімі бар стоматолог алып тастаған, емдеу алдында жақ сүйегінің рентгенографиясы объективті тексерілмей, асқынулар — төменгі жақтың қабыну процесі болған".ҚР Жоғарғы соты баспасөз қызметі
Баланың анасы стоматологиялық емханадан өзіне келтірілген моральдық және материалдық шығынды өтеуді сұрап, сотқа талап қоюмен жүгінген.
"Талап қоюда ол емхана медицина қызметкерінің салғырттығынан және алғашқы медициналық көмекті дұрыс көрсетпеуінен ауру асқынып, бала 2 жылға жуық ұйықтай алмай, дәрігерлердің қорытындысы бойынша мүгедек болып қалғанын көрсеткен. Сондай-ақ оларға ақылы негізде үш операция жасауға, тіс емдеуге және дәрігерлерден кеңес алуға мәжбүр болғаны атап өтілген. Сот стоматологиялық емханадан моральдық шығын мен материалдық шығын үшін 1,5 миллион теңгеден астам өтемақы өндірді".ҚР Жоғарғы соты баспасөз қызметі
Қостанайда өзенге ағып кеткен баланың мәйіті 5 күн дегенде әрең табылды.
