Қалың қара түтін бейнеленген кадрлар әлеуметтік желілерде пайда болды. Оқырмандар не жанып жатқанын жапа-тармағай сұрай бастады.
Анықталғандай, тез тамақтану дүңгіршегі қызыл жалынға оранған.
"Бүгін Алматыда Д.Бедный көшесіндегі тез тамақтану дүңгіршегінде өрт шығып, көрші ғимараттарға таралу қаупі туындады. Өрт сөндірушілер бірнеше минут ішінде өртті сөндіріп, кәсіпкерлердің мүлкіне оттың таралуына жол берілмеді. Зардап шеккендер жоқ",- делінген ақпаратта.
Бұған дейін ҚР ТЖМ баспасөз қызметі автокөлік жүргізу кезінде өртенген жағдайда жүргізушілерге арналған ұсынысты жариялады.