2024 жылғы 29 қарашада әлеуметтік желілерде Астанада жалдамалы пәтерде Ақмола облысы ПД Бурабай ауданы ПБ жедел уәкілі, аға лейтенанттың 21 жастағы қызды зорлағаны туралы ақпарат пайда болды.
Астана қаласы полиция департаментінің баспасөз қызметі аталған факті бойынша қылмыстық іс қозғалғанын хабарлады.
"Тергеу жүргізілуде. Күдікті — бұрынғы полиция қызметкері, ұсталды және уақытша ұстау изоляторына қамалды. Ол теріс себептермен ІІО-дан босатылды. ҚР ҚІЖК-нің 201-бабына сәйкес сотқа дейінгі тергеп-тексерудің өзге де деректері жария етілмейді", — делінген түсініктемеде.
Бұған дейін Астанада күтуші әйел жарты млн теңгенің алтын бұйымдарын ұрлағаны белгілі болды.