Бұл туралы Алматы облысы полиция департаментінің мәлімдемесінен белгілі болды.
"Алдын ала мәліметтер бойынша, Chevrolet Cobalt жүргізушісі жолдың қарсы бағытына шығып, Hyundai Elantra көлігімен соқтығысқан. Апат салдарынан екі жүргізуші мен Hyundai Elantra жолаушысы оқиға орнында қаза тапты. Chevrolet Cobalt көлігінің тағы бір жолаушысы түрлі жарақаттармен ауруханаға жеткізілді",- делінген таратылған ақпаратта.
Аталған факті бойынша қылмыстық іс тіркеліп, тергеу жүргізілуде.
Полиция жүргізушілерді жол қозғалысы ережелерін қатаң сақтауға, жылдамдық режимін бұзбауға және жолда аса мұқият болуға шақырады.
Бұған дейін Қонаевта бір топ жасөспірімнің қатарласын аяусыз соққыға жыққандығы хабарланған болатын.