Оқыс оқиға 2025 жылғы 10 ақпанда орын алған.
"Патрульдік полиция батальонының экипажы Би-Боранбай көшесінде патрульдеу барысында отбасылық жанжал жөніндегі шақыртуға бара жатқан кезде қызметтік көлік жүк көлігімен соқтығысқан. Алдын ала мәліметтерге сәйкес, КамАЗ жүргізушісі жанармай құю бекетінен шыға отырып, маневрдің қауіпсіздігіне көз жеткізбеген, соның салдарынан жол апаты орын алған". Абай облысы Полиция Департаментінің баспасөз қызметі
Қазіргі уақытта жол апатының мән-жайы анықталуда екені атап өтілді.
"Жол-көлік оқиғасынан зардап шеккендер жоқ. Бұл оқиға жол қозғалысы ережелерін қатаң сақтаудың маңыздылығын тағы бір рет еске салады",- деп қорытындылады ведомство.
Сурет: Абай облысы ПД баспасөз қызметі
Бұған дейін Алматыда түн ортасында жол апаты болып, жаяу жүргіншінің оқиға орнында тіл тартпай кеткендігі хабарланған болатын.