Шымкентте тоғыз бірдей компанияның тиісті заң талаптарын өрескел бұзғандығы анықталды. "Хабар" телеарнасының ақпаратынша, олар мемлекеттік органдардың кепілдігінсіз көпқабатты тұрғын үй кешенінің құрылысын бастаған. Нұсқаулық бойынша тұрғын үй операторы немесе әкімдіктің арнайы рұқсатын алулары керек еді. Енді бұл компанияларға жалпы сомасы 14 миллион 155 мың теңгеден астам айыппұл салынды. Ал осы компанияларға пәтер алу үшін ақшасын салып, бұған дейін "салымшы" атанғандар екіжақты келісімшарттарды тексергендері дұрыс.
"Бұл кісілер ҚР заңнамасына өз жұмыстарын сәйкестендіруі керек. Біздің тұрғындарымыз осы компанияларға, мына аты аталған тұрғын үйлерге үлескер ретінде кірердің алдында мықтап ойлануы керек. Ертеңгі күні сан соғып, қапы қалып қоймайтындай жағдайды ойластыру керек". Сәрсен Құранбек, қала әкімінің орынбасары
Бұған дейін Қазақстан мен Қытай шекарасында жер сілкінісі болғандығы хабарланған болатын.