Ол іс бойынша жедел-тергеу тобы құрылғанын еске салды.
"Жәбірленуші тараптың барлық уәждері толық көлемде тексерілуде. Бұл қылмыстық істі жеке бақылауыма алдым. Барлық тергеу әрекеттерін өзім жеке қадағалап отырмын. Жәбірленуші тараптың әрбір уәжі мұқият әрі жан-жақты тексерілуде", – деп сендірді ол.
Оның айтуынша, қылмыстық іс бойынша бейнежазбалар зерттеліп жатыр.
"Бұл материалдарға видеофонографиялық сараптама тағайындалды (аудио және бейне материалдардың шынайылығын анықтау, монтаж іздерін табу, сөйлеушілерді сәйкестендіру және фондық дыбыстарды талдау әдісі). Бейнематериалдар бойынша сарапшылардың қорытындысын күтейік. Барлық видеожазбалар тексерілуде. Бұл іске қатысты бірнеше куәгер бар, барлық қажетті тергеу амалдары жүргізілуде. Қыздардан қорғалуға құқығы бар куәгер ретінде жауап алынды. Қазіргі уақытта олардың қатысуымен тергеу әрекеттері жүргізіліп жатыр", – деп қорытындылады вице-министр.
Айта кетсек, бойжеткеннің қазасы қоғамда резонас тудырды. Жәбірленуші тарап жас қыздың жетінші қабаттан секіріп кеткеніне сенбейді. Осы тұрғыда, іске дәлел ретінде бірнеше бейнежазбаны айғақ ретінде ұсынып отыр.