"Хабар" телеарнасының мәліметінше, небәрі 1,5 айда салынып біткен нысандар кеуіп үлгермепті. Осының салдарынан қабырғаларының сылағы түсіп, едендері көгеріп кеткен. Үйлерінің ішін кептіру үшін тұрғындар бар дүние-мүлкін далаға шығарып, есік-терезелерін ашып тастаған.
Жалаулы ауылында бой көтерген бұл жаңа үйлер өткен жылы тасқын судан зардап шеккендерге арналып салынған болатын. Алайда су жаңа баспаналар тұрғындардың үмітін ақтамады. Күз түсе қабырғалары мен едендері ылғал тартып көгеріп кеткен. Кейбір отбасылар қазір үйлерін тастап кетуге мәжбүр. Ал барар жері жоқ жандар сыз тартқан, көгерген баспаналарда күн кешіп отыр.
Айта кету керек, бұл баспаналар демеушілердің қаражатына салынды. Ал құрылысты осы Ақтоғай ауданының тумасы, жергілікті кәсіпкер Александр Терентьевтің компаниясы жүргізді. Кәсіпкер жауапкершіліктен қашпайды. Кемшіліктерді жақын арада жоюға уәде берді.
"Тұрғындармен кездесіп, бір мәмілеге келдік. Біздің бригада мүшелері еденге төселген ОСБ фанералар мен линолеумді алды. Үйлердің едені толық кепкеннен кейін жаңа материалдар төсейміз. Өз атымнан уақытша туындаған қолайсыздықтар үшін тұрғындардан кешірім сұраймын".Александр Терентьев, мердігер компания басшысы:
Бұған дейін Ақтөбеде газ жарылған үйдің тұрғындары көмек сұрауда екенін жазған болатынбыз.