Алдын ала мәліметтерге сәйкес, Hyundai жүргізушісі жоғары жылдамдықпен келе жатып, жолдың оң жақ шетінде тоқтап тұрған жол қызметіне тиесілі жүк көлігіне соғылған.
Сурет: Zakon.kz
Соққы салдарынан жүк көлігі шамамен 10 метрге алға қарай жылжып кеткен.
Сурет: Zakon.kz
Апат нәтижесінде жеңіл көліктің жүргізушісі жарақат алды. Ал оқиға орнында болған жол жұмысшылары дін аман. Олардың айтуынша, олар қоқыс жинауға шыққан сәтте, жеңіл көлік келіп соғылған.
Сурет: Zakon.kz
Оқиға орнында жол-патрульдік полициясы мен ТЖМ қызметкерлері жұмыс істеді. Жеңіл көлік қатты зақымданғандықтан, эвакуатор шақырылған.
Сурет: Zakon.kz
Куәгерлердің айтуынша, бұл жол учаскесі әлі де қауіпті, өйткені жүргізушілер апаттан қашу үшін кенеттен маневр жасауға мәжбүр. Қазір оқиғаның мән-жайы анықталып жатыр.
Бұған дейін Солтүстік Қазақстан облысында екі полицей жол апатына ұшырап, қаза тапқанын жазғанбыз.