Land Cruiser 200 маркалы жол талғамайтын көлік Саин көшесімен оңтүстік бағытта қозғалып келе жатқан.
Сурет: Zakon.kz
Белгісіз себеппен жүргізуші көлікті басқара алмай, жол жиегінде тұрған Jetour автомобилімен соқтығысқан.
Сурет: Zakon.kz
Соққыдан кейін Land Cruiser қайтадан жолдың ортасына қарай ыршып шығып, сол сәтте өтіп бара жатқан Changan көлігіне бүйірінен соғылған.
Сурет: Zakon.kz
Одан соң джип тұрақ аймағына қайта ұшып барып, Kia Cee’d көлігін соққан.
Сурет: Zakon.kz
Соққы салдарынан Kia тұрақ орнынан шығып кетіп, тротуармен жүріп өтіп, Domillion сауда орталығының жерасты тұрағына құлап кете жаздаған.
Сурет: Zakon.kz
Кейін басқарудан шыққан жол талғамайтын көлік Chevrolet Nexia және жанында тұрған Chevrolet Monza автомобильдерімен соқтығысқан.
Сурет: Zakon.kz
Абырой болғанда, жол апаты салдарынан ешкім зардап шеккен жоқ.
Сурет: Zakon.kz
Оқиға орнында жол полициясының қызметкерлері жұмыс істеді. Олар жол-көлік оқиғасының барлық мән-жайын анықтайтын болады.
Сурет: Zakon.kz
Бұған дейін Жамбыл облысында 155 рет жол ережесін бұзған жүргізуші жауапқа тартылғанын жазғанбыз.