Zakon.kz тілшісінің мәліметінше, BYD маркалы автокөлік Сейфуллин даңғылымен солтүстік бағытта келе жатқан.
Қиылысқа жеткен кезде жүргізуші Никитин көшесіне солға бұрылмақ болған. Дәл осы сәтте Сейфуллин даңғылымен оған қарсы бағытта, яғни оңтүстікке қарай Honda маркалы мотоцикл келе жатқан.
Сурет: Zakon.kz
Мотоциклде екі адам болған. Олар соқтығысудың алдын ала алмай, мотоцикл жоғары жылдамдықпен автокөлікке барып соғылған.
Сурет: Zakon.kz
Соққының қатты болғаны соншалық, мотоцикл жүргізушісі мен жолаушысы ұшып кеткен.
Сурет: Zakon.kz
Ал BYD жүргізушісі көлікті бірден тоқтата алмаған. Автокөлік қозғалысын жалғастырып, жол жиегіндегі бордюрге соғылған. Салдарынан көлік жолдан шығып кетуге шақ қалып, жаяу жүргіншілер жолағына және жарнамалық билбордқа соғылудың аз-ақ алдында тоқтаған.
Сурет: Zakon.kz
Жол-көлік оқиғасы салдарынан мотоциклдегі екі адам да түрлі дене жарақатын алды.
Сурет: Zakon.kz
Мотоцикл жүргізушісінің жағдайы өте ауыр екені хабарланды. Ол жолаушысымен бірге оқиға орнынан ауруханаға жеткізілді.
Сурет: Zakon.kz
Ал жеңіл автокөлік жүргізушісі зардап шеккен жоқ.
Сурет: Zakon.kz
Бұған дейін Алматыда 19 жастағы қыздың үстіне ағаш құлап, комаға түскенін жазғанбыз.