Қазақстанда халықаралық іздеуде жүрген бес шетелдік анықталды
Сурет: ҚР ІІМ
Жамбыл облысында өтіп жатқан "Нелегал-2026" жедел-профилактикалық іс-шарасы барысында халықаралық іздеуде жүрген адамдар анықталды, деп хабарлайды Zakon.kz.
Жамбыл облысының полиция департаменті 2026 жылғы 7 қазанда хабарлағандай, тәртіп сақшылары екі күн ішінде 254 әкімшілік құқықбұзушылықтың жолын кесті. Көші-қон заңнамасының талаптарын бұзған 88 шетелдік Қазақстаннан шығарылды.
"Сонымен қатар жедел-профилактикалық іс-шара барысында халықаралық іздеуде жүрген бес шетел азаматы анықталды", – деп толықтырды полиция департаменті.
Шетел азаматтарының ел аумағында болу қағидаларын бұзғаны үшін 57 қазақстандық та әкімшілік жауапкершілікке тартылды.
"Іс-шараның негізгі мақсаты – шетел азаматтарының Қазақстан Республикасының аумағында заңды негізде жүргенін тексеру, көші-қон заңнамасы талаптарының сақталуын қамтамасыз ету және құқықбұзушылықтардың алдын алу", – деп мәлімдеді ведомство.
"Нелегал-2026" жедел-профилактикалық іс-шарасы 2026 жылғы 10 қазанға дейін жалғасады.
Ал Жамбыл облысының Сарысу ауданында полицейлер мал ұрлығына қатысы бар үш адамнан тұратын қылмыстық топты анықтады.
Мақаламен бөлісу
Оқи отырыңыз
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
