Polisia.kz-тің хабарлауынша, бүгін – 7 сәуірде Жамбыл облысы Полиция департаментінің Криминалдық полиция басқармасы 25 ақпанда Тараздағы кафеде екі тұрғынға оқ атқан күдіктіні ұстады.
ҚР Қылмыстық кодексінің 24-бабы 3-бөлігі, 99-бабы 2-бөлігі бойынша қылмыс жасады деген күдікпен халықаралық іздеуде жүрген 36 жастағы Тараз қаласының тұрғынын полиция қызметкерлері жедел-іздестіру іс-шарасын жүргізу барысында Алматы қаласынан анықтап, құрықтады.
Күдікті өз кінәсін толық мойындады.
Қазір ол Тараз қаласындағы тергеу изоляторына қамаққа алынды. Тергеу амалдары жүргізіліп жатыр.