Өскеменде оқушы сабақ кезінде бұрыш баллонын сеуіп, мектепті дүрліктірді

№5 мектеп әкімшілігі зардап шеккендер жоқ екенін, балалардың барлығы үйлеріне таратылғанын жеткізді, деп хабарлайды Zakon.kz.

Оқыс оқиға 8 сәуірде дене шынықтыру сабағы кезінде киім шешетін бөлмеде орын алған. Төтенше жағдай туралы білім ордасының қызметкерлері хабарлаған.

Полиция қызметкерлері бұрыш спрейін сыныптағы оқушылардың бірі шашқанын анықтады. Оқушы түсіндіріп өткендей, өз қауіпсіздігі үшін жанында үнемі бұрыш баллонын ұстап жүреді, өйткені ол қаланың шалғай ауданында тұрады. Шығыс Қазақстан облысы ПД баспасөз қызметі

Сабақ барысында 2006 жылғы оқушы баллонды қалтасынан алып, сөмкесіне салмақшы болғаны белгілі болды, бірақ сыныптастары байқап, оны көрсетуді сұрайды. Осылайша жасөспірімдердің бірі кездейсоқ оны шашып алған.

Мектепте бұрыш спрейін шашқаны үшін оқушыға қатысты ҚР ӘҚБтК-нің 434-бабы (Ұсақ бұзақылық) бойынша Әкімшілік құқық бұзушылық туралы хаттама толтырылды.

Өскемен
Жаңалықтан zakon.kz сайтында хабардар болыңыз: