Сонымен қатар, апат кезінде барлығы алты жолаушы мен қоғамдық көліктің жүргізушісі де зардап шеккені белгілі болды.
10 қазанда сағат 18.00-де №141 бағыттағы Youtong автобусын тізгіндеген азамат М. Кудерин көшесімен оңтүстік бағытта келе жатып, рөлге ие бола алмай, жолдан шығып, жекеменшік тұрғын үйге қойып кеткен. ЖКО салдарынан жүргізушінің өзі және алты жолаушы зардап шекті, - деді Алматы қалалық ПД Анықтау басқармасының бастығы Олжас Шәріпов.
Жүргізушінің басынан ауыр жарақат алғаны белгілі, оның бетінің бір бөлігі де қатты зардап шегіп, көзіне темір кірген.
Сурет: Zakon.kz
Аталған факті бойынша ҚР Қылмыстық кодексінің 345-бабының 2-бөлігі - "Көлік құралдарын тізгіндеген адамдардың жол жүрісі немесе көлік құралдарын пайдалану қағидаларын бұзуы" бойынша сотқа дейінгі тергеп-тексеру басталды.
Сурет: Zakon.kz
