Оқыс оқиға туралы ақпарат құтқарушыларға 4 желтоқсанда сағат 09:00-де келіп түсті, деп хабарлайды НГ.
Нар тәуекел деп көлік жүргізушісі қатқан өзен үстімен ызғытып қойған. Алайда мұз жарылып, темір тұлпар суға батқан.
Көлік иесі оқиға орын алған сәтте салоннан шығып үлгеріп, зардап шекпеген.
Құтқарушылар дереу көмекке шығып, оқиға орнына 12:15-те келіп жетті.
Сағат 13:00-де құтқарушылар сүңгуір костюмдерін киіп, су астына түсті. Сағат 17:20-да су асты-құтқару жұмыстары кезінде көліктің алдыңғы доңғалағына темір тросты байлап, оны алып шығу мүмкін болды. Қостанай облысы ТЖД баспасөз қызметі
Беларусь тракторының көмегімен көлік жағаға шығарылды.
Суға батқан көліктің жергілікті әкімдікке тиесілі екені де айтылады.
