Үздік полицейлерге марапаттар елордада табыс етілді. Жеңімпаздар жалпыхалықтық дауыс беру арқылы анықталды. Байқау алғаш рет өткізіліп отыр әрі кәсіби және қоғамдық қызметтің барлық саласындағы үздіктердің үздігі анықталады, деп мәлімдеді Ішкі істер министрлігі.
5 қазан күні сағат 16:00 шамасында Азамат Саянов демалыста жүрген кезінде Ертіс өзеніне батып бара жатқан екі баланың айқайлаған даусын естіген.
12 жасар Аспандияр мен 11 жасар Қуаныш сабақтан кейін Ертістің жағасына барған. Бір кезде жарға тым жақын барған Қуаныш суға құлап кетті. Аспандияр оны құтқармақ болған. Кейін екеуі де суға бата бастады. Полицей Азамат Саянов көмекке келіп, екі баланы аман алып қалды.