Атырау облысы төтенше жағдайлар департаментінің баспасөз қызметінің хабарлауынша, кеше, 17 желтоқсанда таңғы сағат алты шамасында Атыраудағы Жұлдыз шағын ауданының 21-көшесінде тұрғын үйлердің бірінде жарылыс болған.
Өрт сөндірушілер жеткен кезде жалпы ауданы 50 шаршы метр болатын уақытша тұрғын үйде газды-ауа қоспасының салдарынан жарылыс болғанын анықтады. Салдарынан 49 жастағы үй иесі мен оның 48 жастағы әйелі ауыр дәрежедегі (денесінің 90%-і) күйік алып, облыстық ауруханаға жеткізілген.
Өрт сол күні сағат 7-де сөндірілді, сөндіруге 9 қызметкер мен 2 техника жұмылдырылған.