7 ақпанда Қостанай облысындағы Қарабұтақ тас жолының 470-ші шақырымында жол апаты орын алды. JAC S3-тің жүргізушісі алдындағы көлікті басып озғысы келіп жолдың қарама-қарсы бетіне шығып, ауыр жүк көлігімен бетпе-бет соқтығысты.
"Жол-көлік оқиғасы салдарынан үш адам қаза тапты: 9 жасар егіз бала және олардың 33 жастағы анасы. Тергеу амалдары қолға алынды. Аталған дерекке қатысты ҚР Қылмыстық кодексінің 345-бабы 4-бөлігі, яғни "Жол жүру ережелерін бұзу" бойынша сотқа дейінгі тергеу басталды". Қостанай облысы ПД
Айта кетсек, Жамбыл облысында көлігі өртенген қоғам белсендісі жала жабу күдігімен ұсталды.