Жедел-тергеу тобы бәкіні тәркілеп, 18 жасар студентті полиция бөліміне жеткізді.
Тексеру кезінде студенттің басқа колледжде оқитыны, бұл оқу орнына іс-шараға келгені анықталды.
Студент ата-анасына үй шаруашылығына көмектескенде бәкіні қалтасына салып, салмағы аз болғандықтан, оны алып тастауды сол күйі ұмытып кеткенін айтып, ақталған.
Сараптама жас жігіттен табылған бәкі суық қаруға жатпайтынын көрсетті. Студентпен профилактикалық әңгіме жүргізіліп, ата-анасына ескертілді.
2023 жылғы 13 ақпанда Петропавлдағы №4 орта мектепте төтенше жағдай болды – 9-сынып оқушысы мектепке балта мен пышақ әкеліп, үш баланы жарақаттады. Олардың екеуі жансақтау бөліміне түсіп, кейін палатаға ауыстырылды. Бұл факті бойынша қылмыстық іс қозғалды. Тоғызыншы сынып оқушысы екі айға қамауға алынды.