Белгілі болғандай, компания Бірыңғай оператордың кепілдігін алмастан үлескерлер тартқан.
"Сот тапсырыс берушісі ЖШС болып табылатын "кіріктірілген үй-жайлары мен паркингі бар көппәтерлі тұрғын үй кешені" нысаны бойынша құрылысқа сайтта оны жарнамалау арқылы үлескерлерден ақшалай қаражат тартқанын әрі Бірыңғай оператордың кепілдігі алынбағанын анықтады",деп мәлімдеді Астана қаласы сотының баспасөз қызметі.
Тұрғын үй құрылысына үлестік қатысу мынадай тәсілдердің бірімен ұйымдастырылатыны атап өтілді:
- Бірыңғай оператордың кепілдігін алу;
- екінші деңгейдегі банктің жобасына қатысу;
- көппәтерлі тұрғын үйдің қаңқасын тұрғызғаннан кейін үлескерлерден ақша тарту.
"Көппәтерлі тұрғын үйлерді салу үшін жеке және заңды тұлғалардың ақшасын осы бапта көзделмеген өзге де тәсілдермен тартуға тыйым салынады", делінген хабарламада.
Айта кетсек, Астанада 2022 жылы 28 қарашада үлескерлердің ақшасын ұрлап қашқан директор сотталды.