Оқиға 15 ақпанда Көкшетау - Рузаевка автожолының 48 шақырымында болған. Облыстық патрульдік полиция батальонының 5-взводының инспекторлары осы аймақты күзетіп жүрген.
Ер адам Антоновка ауылынан Көкшетауға, үйіне бара жатқанда өзін кенеттен нашар сезінген. Ол жақында ғана инсульт алған екен, сондықтан шұғыл медициналық көмек қажет болған.
Полицейлер жүргізушіні жолаушылар орынына ауыстырып, ал рөлге көліктің жолаушысын отырғызып, арнайы сигналды қосып, автокөлікті Көкшетаудағы облыстық ауруханаға жеткізген.
Ал ауруханада пациентке медициналық көмек көрсеткен дәрігерлер күтіп тұрған.
