Жергілікті полиция департаментіне сілтеме жасай отырып, Диапазон басылымы қайғылы оқиға 4 наурызда сағат 20:55-те Шалқар-Бозой тас жолында орын алғанын хабарлайды.
Ақтөбе облыстық денсаулық сақтау басқармасы ауруханаға түскен жасөспірімдердің жағдайын баяндап берді.
"2007 жылы туған қыз ауруханаға ес-түзсіз жеткізілді. Ол ашық бас-ми жарақатын алған. Миына қан құйылған. Дәрігер жағдайы өте ауыр деп отыр. 2008 жылы туған екі баланың да аяғы сынған. Екеуі де облыстық балалар ауруханасына жіберілді. Ал бір бала жеңіл жарақат алып, амбулаториялық бақылауға алынды".
Аталған басылымның мәліметінше, жол апатында зардап шеккендердің барлығы - Шалқардағы №8 мектептің оқушылары.
Айта кетсек, 4 наурызда Ақтөбе облысында жол апатынан төрт шет ел азаматы опат болды.
