13 ақпан күні таңертең Петропавл мектебінде 9-сынып оқушысы мектепке пышақ пен балта алып келіп, үш оқушыны жарақаттады.Зардап шеккен балалар ауруханаға жатқызылды.
Полиция мен дәрігерлер келгенге дейін шабуылдаушы жасөспірімді жоғары сыныптың екі оқушысы Нұрислам мен Алдиар ұстап алып, қауіпті жағдайдың алдын алды.
СҚО ПД бастығының бірінші орынбасары Қанат Айтбаевтың айтуынша, ересек адамның өзі қауіпті жағдайда қажет шараларды жедел қабылдай алмайтынын, алайда Нұрислам мен Алдиар бірнеше секунд ішінде жағдайды бағдарлап, өзін және басқа балаларды қауіп-қатерден қорғаg қалды. Қос батырдың анасына да алғыс хат табыс етілді.
Қазір осы қылмыс фактісі бойынша тергеушілер істің барлық мән-жайын жан-жақты зерттеуге бағытталған сотқа дейінгі тергеу жүргізіп жатыр. Түпкілікті шешім тергеу нәтижелері бойынша қабылданады.