Lada.kz тілшісінің айтуынша, бейресми дереккөздерден өзіне жеткен мәліметке сәйкес, марқұм болған екі қызы бен ұл бала анасымен бірге Атырауда тұрып жатқан. Оларды әкесі демалыс кезінде өзімен бірге ертіп кеткені белгілі.
"Ол әйелімен ажырасқан, бөлек тұрады. Балаларды каникул кезінде алып кетіп отыр, оның ақыры осындай қайғылы жағдаймен аяқталып отыр. Әлеуметтік желіде ер адам жат діни ағым өкілі екенін жазып жатыр. Исламда мұндай қайғылы оқиға түгілі, тіпті құмырсқаға да зиян тигізбеу керек". Гүлмира Әбішева
Журналист ажырасқан ата-аналардың балалары, әсіресе деструктивті діни ағымды жақтаушылар болып жатса, міндетті түрде бақылауда болуы керек деп санайды.
"Сауалнамалар жүргізілуі керек, сонда жергілікті органдар баланың отбасындағы тұрақсыз жағдайдан және ықтимал қауіп-қатерден алдын ала хабардар бола алады". Гүлмира Әбішева
Журналистің айтуынша, мектептегі психологтарға балаларға қатысты осындай сауалнамалар жүргізуге тыйым салынады, өйткені көптеген ата-ана бұған келісімін бермейді және мамандардың кәмелетке толмағандармен қарым-қатынасына кедергі келтіреді.
"Психологтарға балалармен жұмыс істеуге мүмкіндік беру керек, өйткені балалар, әдетте өз отбасында не болып жатқаны туралы айтудан қорқады немесе ұялады. Бірақ мұндай сауалнамалар баланы өз басында болуы ықтимал проблемалары мен қорқыныштары туралы айтуға итермелеуі мүмкін". Гүлмира Әбішева
Сондай-ақ ол құқық қорғау органдары мен атқарушы билікті осындай отбасылармен жұмыс істеуге шақырады.
Көршілерінің айтуынша, олар әйелдің үйінен бұрын күдіктіні көрмеген, танымайды да.
Айта кетсек, 2011, 2014 және 2016 жылы туған кәмелетке толмаған балалардың зорлықпен өлім белгілері бар денелері 2023 жылдың 24 наурызында Ақтаудағы ықшам аудандардың бірінің 27 үйдегі пәтерлердің бірінен табылғаны белгілі болды. Кісі өлтірді деген күдікпен полицейлер 36 жастағы ер адамды (балалардың әкесі) ұстады. ҚР ҚК 99-бабының 2-бөлігі ("Кісі өлтіру") бойынша сотқа дейінгі іс жүргізу қолға алынды.
