Сонымен қатар мемлекет басшысына Алматы қаласы әкімдігінің балалардың бос уақытын тиімді өткізуге жағдай жасау үшін атқарып жатқан жұмыстары жөнінде айтылды. Қасым-Жомарт Тоқаев балалардың көркем шығармашылық жұмыстарының көрмесімен және Сарайдың жаңа инновациялық қызметімен танысты. Ол биология және нейротехнология, гидропоника, 3D модельдеу және робот жасау зертханаларын, сондай-ақ анимация, дыбыс жазу, білім беру медиажобаларына арналған студияны аралап көрді.
Қасым-Жомарт Тоқаев балаларға сыйлықтар берді. Оның ішінде мобильді құрылғы арқылы басқарылатын кейінгі үлгідегі оқу телескопы бар. Сонымен қатар президент Оқушылар сарайына автобус сыйға тартты.