Кездесу барысында елімізде инфрақұрылым, транзиттік тасымал, экономиканы көміртегінен арылту, экономика және қаржы секторы салаларындағы бірқатар инвестициялық жобаны жүзеге асырудың перспективасы талқыланды.
Сонымен қатар олар әлемдік экономиканы дамытудың өзекті мәселелері жөнінде пікір алмасты.
Одиль Рено-Бассо Қасым-Жомарт Тоқаевты жалпыұлттық референдумның сәтті өтуімен құттықтады. Сонымен бірге оның нәтижесі шетелдік инвесторлардың елімізге деген сенімін одан әрі нығайта түсетінін айтты.
Одиль Рено-Бассо Қазақстан экономикасын дамытудың және елдің қаржы жүйесін нығайтудың перспективасы туралы көзқарасын білдірді.
