Конституциялық заң мәтіні баспасөзде жарияланады, делінген Ақорда сайтында.
Сонымен 2023 жылдың 1 қаңтарынан бастап Президенттің мынандай өкілеттіктері шектеледі:
өкілеттік мерзімі шектеледі;
саяси партияға мүше болуы тоқтатылады;
жақын туыстарының саясатта және квазимемлекеттік секторда лауазымды қызметтер атқаруына тыйым салынады.
Мәжілісті құру тәртібіне өзгеріс енгізіледі. Енді Мәжілістің 69 депутаты партиялық тізім бойынша, 29-ы бір мандатты аумақтық округтер бойынша сайланады. Қазақстан Халқы ассамблеясының Мәжілістегі квотасы алынып тасталады.
Парламенттегі заң шығару процесі де өзгереді. Енді Мәжіліс заңдар қабылдайды, ал Сенат оларды бекітеді. Бұл ретте палаталар арасындағы тежеу мен тепе-теңдік тетігі қарастырылған.
2023 жылы 1 қаңтардан бастап Қазақстанда аудандар мен облыстық маңызы қалалар әкімдерінің сайлауы өтеді. Басында бұл пилоттық режимде іске қосылады.
5 қарашада Мемлекет басшысы Қасым-Жомарт Тоқаев бірқатар маңызды заңдарға жария түрде қол қою рәсіміне қатысты.